پښتون سیاستوال افراسیاب خټک وایي، طالبان د پاکستاني استخباراتو شاګردان دي.
افراسیاب خټک یوې تازه مرکې کې ویلي، چې پاکستاني جنرالان او طالبان زاړه انډیوالان دي او په پټه له یو بل سره ستراتیژیکې اړیکې لري.
هغه ویلي، د طالبانو او پاکستان ترمنځ جګړه کومه جدي خبره نه ده او په وینا یې دوی دا ډول بمبار او جګړه فقط د داخلي بحرانونو څخه د خلکو د پام اړولو په موخه کوي.
افراسیاب خټک دغه راز ویلي، چې د تاریخ په اوږدو کې په افغانستان کې دومره مداخله نه ده شوې، لکه د طالبانو په وخت کې چې کېږي او په خبره یې دا ځکه چې ددوی حکومت هېڅ مشروعیت نه لري.
