د ټولنیزو رسنیو ګڼ شمېر افغان کاروونکو په لویه کچه د خیبر جرګې لپاره کمپاین پیل کړی؛ خو افغانستان کې لویو رسنیو د پام وړ پوښښ نه دی ورکړی.
دوی د قامي لویې جرګې په اړه ډېر کم وخت یوازې عادي راپور نشروي.
سره له دې، چې افغانستان کې د رسنیو د دغه کار علت تر ډېره څرګند نه دی؛ خو ویل کېږي، چې دوی د بندیزونو له کبله نشي کولای، یادې جرګې ته انعکاس ورکړي.
بل لورته د پي ټي ایم ځینو غړو ویلي، چې په افغانستان کې د دوی یو شمېر ملاتړي د طالبانو له لوري ګواښل کېږي.
پشتین ویلي، چې د غټې میشنري په وسیله په میدان کې خندقونه کیندي.
هغه ویلي، چې په پاکستان کې د پښتنو دا حال دی چې په خپل کلي کې هم د خپلو روایاتو مطابق د یوې ناستې اجازه نلري.
هغه ویلي چې دې جرګه کې پاکستانی ریاست خپل زیان ویني او د پښتنو په وینو او معدنونو د پاکستان کاروبار روان دی؛ نو ځکه یې د دوی په غورځنګ بندیز ولګوو.
نوموړي دغه راز ویلي، چې اوس خو جرګه لا ضروري شوه او حتماً به دا جرګه کوي.
د پښتون ژغورنې غورځنګ مشر منظور پښتین وایي، چې د خیبر قامي جرګې میدان د پاکستاني پولیسو په قبضه کې دی.
پشتین ویلي، چې د غټې میشنري په وسیله په میدان کې خندقونه کیندي.
هغه ویلي، چې په پاکستان کې د پښتنو دا حال دی چې په خپل کلي کې هم د خپلو روایاتو مطابق د یوې ناستې اجازه نلري.
هغه ویلي چې دې جرګه کې پاکستانی ریاست خپل زیان ویني او د پښتنو په وینو او معدنونو د پاکستان کاروبار روان دی؛ نو ځکه یې د دوی په غورځنګ بندیز ولګوو.
نوموړي دغه راز ویلي، چې اوس خو جرګه لا ضروري شوه او حتماً به دا جرګه کوي.
پاکستاني پولیسو تېره شپه ناوخته یو وار بیا د قامي لویې جرګې پر خیمې برید کړی.
د پښتون ژغورنې غورځنګ مشر منظور احمد پښتین لیکلي، چې پاکستاني پولیسو د جرګې میدان ورانولو لپاره له ځان سره غټ غټ ماشینونه هم راوړي او اوس مهال یې هلته مخابراتي شبکې بندې کړې دي.
تر اوسه لا په دې اړه وروستي معلومات نه دي ورکړل شوي.
پښتین یو وار بیا ټینګار کړی، چې دا جرګه به په هر ډول حالاتو کې ترسره کوي.
د طالبانو استخباراتو اړوند وېبپاڼه “المرصاد” وایي، چې داعش ډله په پاکستان کې د منظور پښتین او ماهرنګ بلوڅ د وژلو پلان لري.
المرصاد لیکلي، چې داعش ډلې یو لېست خپور کړی چې په دې لېست کې منظور پښتین او ماهرنګ بلوڅ هم شامل دي.
المرصاد د خپلو سرچینو له قوله ویلي، چې دا لېست پاکستان داعش ډلې ته سپارلی.
المرصاد دغه راز زیاته کړې چې په دې لېست کې د پښتون ژغورنې د غورځنګ مشر منظور پښتین په شمول ددغه غورځنګ ۷ مخکښ غړي شامل دي.
په دې لېست کې د پښتون ژغورنې غورځنګ مشر منظور پشتین، د بلوچستان لپاره د پښتون ژغورنې غورځنګ مسوول نور باچا، د سِند صوبې لپاره د پي ټي ایم مسول،نور الله ترین او د دې غورځنګ غړي زکیم خان وزیر، قاسم اچکزی، لطیف وزیري، بادشاه پشتین او د پښتون ژغورنې غورځنګ پخوانی غړی محسن داوړ شامل دي.
د سویلي اسیا لپاره د بښنې نړیوال سازمان د سیمهییزې ادارې مشر بابو رام پنټ ویلي، چې پاکستان هڅه کوي په دغه هېواد کې د حرکتونو او لاریونونو مخه ونیسي.
هغه پر پښتون ژغورنې غورځنګ وروستي بریدونه غندلي او ژر تر ژره یې د دغو بریدونو د لرې کولو غوښتنه کړې ده.
د هغه په خبره، دا چاره پر انساني حقونو تېری دی او پاکستان له اوږدې مودې راهیسې د دغه غورځنګ په ځپلو لګیا دی.
نوموړی دا څرګندونې په داسې حال کې کوي، چې د پاکستان حکومت پر دغه غورځنګ د عامه نظم او د دوی حکومت ته د زیان رسولو په تور بندیزونه لګولي.
د تېر جمهوري نظام د چارو ادارې لوی رییس فضل محمود فضلي وايي، د پښتنو قامي لویه جرګه لا وار د مخه خپلې موخې ته رسېدلې ده.
هغه ویلي، دوی له یادې جرګې بشپړ ملاتړ کوي.
نوموړي پر خپله ایکس پاڼه لیکلي، «د غورځنګ لخوا د استعمار نیابتي پنجابي پوځ نیغ په نیغه ننګول، دغه پوځ د ترهګری د مور په توګه پیژندل، او د پښتنو د مختلفو قبیلو، مدني او سیاسي سازمانونو اعتماد او باور ترلاسه کول او د یو ټاکلي هدف لپاره په یو ځای راټولول، تر دې مهاله د دې جرګې لویې لاسته راوړنې دي»
د یادنې ده چې تر ده وړاندې هم ګڼو سیاسونو له یادې جرګې ملاتړ کړی.
د امریکایي ځواکونو د مرکزي قومندانۍ یا سنټکام پخوانی قومندان جنرال کېنټ فرانک مککنزي وايي، له افغانستانه د امریکايي ځواکونو له وتلو سره موافق نه و.
نوموړي له سي-ایسپياېاین تلوېزیون سره په مرکه کې زیاته کړې، چې تاریخ به قضاوت وکړي چې ایا له افغانستان څخه د وتلو پرېکړه سمه وه او که نه او هغه څه چې د داعش او القاعدې لپاره مهم دي، هغه د دې ډلو بیا منسجم کېدل دي، چې بالاخره د امریکا پر خاوره بیا برید وکړي.
مککنزي ویلي، له افغانستانه د امریکايي ځواکونو په وتلو سره داعش ډله او القاعده شبکه پیاوړي شوي دي.
هغه دغه راز ویلي، چې امریکا دا مهال په سیمه کې ۴۵۰۰۰ ځواکونه ځای پر ځای کړي.
مککنزي دا هم ویلي، چې له افغانستانه د امریکایي ځواکونو په وتلو سره روسیه زړهوره شوه چې وروسته یې په اوکراین برید وکړ.
د پښتونخوا ملي عوامي ګوند مشر محمود خان اڅکزي پر پښتون ژغورنې غورځنګ بندیز غیر قانوني کړنه بللې ده.
هغه ویلي، د قانون له مخې، هر سیاسي ګوند د غونډې، وینا او لیک ازادي لري او له همدې امله پر دغه ګوند لګېدلی بندیز غیر قانوني دی.
تر دې وړاندې ټي ټي پي، یو شمېر افغان سیاسي ګوندونو او ګڼو سیاسي څېرو دغه بندیز غندلی دی.
د یادونې ده چې قامي لویه جرګه د اکتوبر پر یوولسمه پیلیږي.
د اسرايیلو پوځ د لبنان د حزبالله ډلې د یو جګپوړی مشر سهيل حسین حسیني د وژل کېدو خبر ورکړی دی.
یاد پوځ تېره ورځ ویلي، چې نوموړی یې په بیروت کې وژلی؛ خو په دې اړه یې زیات جزیات نه دي ورکړي.
حزب الله ډلې تر اوسه د خپل دغه مشر د وژل کېدو په اړه څه نه دي ویلي.
که د نوموړي وژل کېدل تائید شي؛ نو دا به په تېرو دوو اونیو کې څویم مشر وي، چې اسرائیل یې په نښه کوي.
دا په داسې حال کېې ده چې څه موده وړاندې اسرائیل د لبنان حزب الله ډلې مشر حسن نصر الله وواژه او تر هغې وروسته یې پر لبنان خپلو بریدونو ته زور ورکړ.
پاکستان د طالبانو هغه ادعا بې اساسه وبلله، چې ګواکې داعش ډله په بلوچستان او خیبرپښتونخوا کې مرکزونه لري.
د طالبانو حکومت تر دې وړاندې ویلي وو، چې په کابل کې یې هغه داعش وسله وال نیولي، چې له بلوچستان څخه راغلي وو، خو د پاکستان د بهرنیو چارو وزارت ویاندې ممتاز زهرا بلوڅ ویلي، چې طالبان د داعش په له منځه وړلو کې له ستونزو سره مخ دي.
بلوڅ ویلي، طالبان باید د نورو د ملامتولو پرځای خپله د داعش پر وړاندې عملیات چټک کړي.
دا په داسې حال کې ده چې وړمه ورځ منظور پښتین هم په یو ټویټر سپیس کې ویلي وو، چې پاکستان د داعش روزنې ته مخه کړې ده.