برېټانیا کې یوې هندي کورنۍ ځان افغان کډوال معرفي کړی او اوس مهال د برېټانیا حکومت هغوی مجرمین پېژندلي دي.
ډیلي میل لیکلي، دغې کورنۍ غوښتل چې د افغان کډوالو لپاره له ورکړل شویو اسانتیاو ګټه واخلي.
دغې څلور کسیزې کورنۍ، چې پخوا یې ځانونه د هند استوګن معرفي کړی وو، په ۲۰۲۲ کال کې یې د برېټانیا حکومت ته ویلي چې دوی افغانان دي.
د یادونې ده چې تر دې وړاندې هم ګڼو پاکستانیانو په بېلابېلو هېوادونو کې د پناه اخیستو لپاره ځانونه افغانان معرفي کړي.
