یو شمېر هېوادوال د طالبانو حکومت پر احصایې او معلوماتو ملي ادارې نیوکه کوي چې خدمات یې پڅ او برېښنایي تذکرې په سم ډول نشي ویشلي.
دوی وایي، د یادې ادارې کارمندان غلطي خپله کوي، خو د نوم یا عمر له اصلاح وروسته زر افغانۍ اخلي.
یاد خلک وایي، چې هر کار کې په لوی لاس طالب مسولین یوه ستونزه ورته پیدا کوي او له ستونزې وروسته هم ترې پیسې اخلي او هم ورته سرګرداني پیدا کوي.
دوی دغه راز د برېښنایي پېژند پاڼو د څانګو زیاتېدو غوښتنه کوي.
