د طالبانو حکومت مشر ملا هبتالله اخندزاده په افغانستان کې د ملګرو ملتونو د سیاسي استازولۍ مشرې روزا اتونبایووا ته د لیدلو وخت نه دی ورکړی.
ویل کېږي، چې اتونبایووا د نوي قانون په اړه د لیدنو لپاره کندهار ته تللې وه چې وروسته ورته ویل شوي وو، چې د کندهار لپاره د طالبانو والي به ورسره وویني؛ خو له هغې سره ان د والي مرستیال لیدلي وو.
د کندهار ولایت مقام وايي، په دې لیدنه کې له کروندګرو سره د مرستو په اړه خبرې شوې دي.
د یادونې ده چې یوناما تر دې وړاندې هم د طالبانو حکومت د امرباالمعروف نوي قانون ته غبرګون ښودلی.
