د افغانستان پخواني ولسمشر حامد کرزي د احمدشاه مسعود د شهادت د ۲۵مې کلیزې په مناسبت د نوموړي یاد تازه کړی او هغه یې «مجاهد قهرمان او وطندوست» بللی دی.
کرزي په خپله ایکس پاڼه لیکلي چې احمدشاه مسعود د جهاد، د هېواد د آزادۍ لپاره د هڅو او د خلکو ترمنځ د حضور له امله د درناوي وړ دی.
نوموړي همداراز ویلي چې د مسعود د شهادت د کلیزې په مناسبت باید د افغانستان ټولو شهیدانو ته درناوی وشي او د هغوی یادونه وشي.
