اروپايي ټولنه په ګرینلنډ کې د پانګونې د زیاتولو او له دې خپلواکې سیمې سره د سیاسي اړیکو د پیاوړتیا لپاره نوی مشارکت اعلانوي.
د راپورونو له مخې، د اروپايي کمېسیون مشره اورزولا فون دیر لاین ګرینلنډ ته تللې او تمه ده چې له ګرینلنډ او ډنمارک سره ګډه اعلامیه هم لاسلیک کړي.
د اروپايي ټولنې نوې پانګونه به پر مهمو منرالونو، نوي کېدونکې انرژۍ، سپوږمکۍ اړیکو او نورو ستراتیژیکو برخو تمرکز ولري. دا اقدام داسې مهال کېږي چې د امریکا ولسمشر ډونالډ ټرمپ د ګرینلنډ د ترلاسه کولو هڅې روانې ساتلې دي.
