د ایران د سپاه پاسداران سمندري ځواکونو ادعا کړې چې د هرمز په تنګي کې یې د امریکا یوه له لېرې کنټرولېدونکې جنګي بېړۍ په نښه کړې ده.
د سپاه په وینا، دغه بېړۍ هڅه کوله د هرمز تنګي یوې خوندي سیمې ته ننوځي.
سپاه ویلي چې هرمز تنګی د ایران تر کنټرول لاندې دی او د امریکا هر ډول اقدام به له «کلک غبرګون» سره مخ شي.
د ایران سپاه امریکا ته خبرداری ورکړی چې له سیمې د وتلو او خپلې «ناوړه کړنې» د پرېښودلو پرته بله لار نه لري.
دا په داسې حال کې ده چې تازه امریکا هم خبرداری ورکړی که ایران یې پر دوه کښتیو ډزې وکړي نو دوی به یې په ځواب کې ۳ ایرانۍ کښتۍ له منځه یوسي.
