د امریکا د مرکزي قوماندانۍ (CENTCOM) قوماندان اډمیرال برېډ کوپر سپاه پاسداران ته خبرداری ورکړی چې که ایران پر دوو امریکايي بېړیو ډزې وکړي، متحده ایالات به د ایران پر وړاندې لا سخت اقتصادي او پوځي اقدام وکړي.
کوپر ویلي، «که تاسو زموږ پر دوو بېړیو ډزې وکړئ، موږ به ستاسو درې بېړۍ له منځه یوسو» او ټینګار یې کړی چې امریکا به د خپلو ځواکونو په دفاع کې له هېڅ ډول اقدام کولو درېغ ونه کړي.
د سېنټکام قوماندان زیاته کړې، که اړتیا پېښه شي، امریکا به د ایران د تېلو هغه بېړۍ هم په نښه او له منځه یوسي چې د ده په وینا محدودې او زیانمنېدونکې دي.
دا څرګندونې په داسې حال کې کېږي چې د ایران او امریکا ترمنځ د سمندري تګ راتګ او د تېلو د لېږد پر سر پوځي تاوتریخوالی زیات شوی دی.
