د العربیه رسنۍ د راپور له مخې، تمه کېږي د ایران د بهرنیو چارو وزیر عباس عراقچي سبا پاکستان ته سفر وکړي.
راپورونه وایي، د ایران د بهرنیو چارو وزارت ویلي چې ښایي په جینوا کې د ایران او امریکا ترمنځ یوه احتمالي هوکړه د پاکستان په حضور کې ترسره شي.
همداراز ویل شوي چې په جینوا کې د امریکا او ایران د استازو ترمنځ د لیدنې د ترسره کېدو امکان هم شته، خو تر اوسه رسمي سرچینو څه نه دي ویلي.
دغه پرمختګ داسې مهال راپورته کېږي چې د ایران او امریکا ترمنځ کړکېچ لا پسې زیات شوی خو د کمولو لپاره یې ډیپلوماټیکې هڅې روانې دي.
