اکونومیست نشریې په يو راپور کې ويلي، چې ریاض له ډونالډ ټرمپ غوښتي، پر ایران هر ډول احتمالي نوی برید دې د حج تر مراسمو وروسته وځنډوي.
د راپور له مخې، سعودي عربستان اندېښنه لري چې که جګړه بیا پیل او د سیمې هوايي حریم وتړل شي؛ نو زرګونه حاجیان به په دغه هېواد کې بند پاتې شي.
اکونومیست لیکلي چې د سیمې د امنیتي وضعیت خرابېدو احتمال د حج د مراسمو پر تنظیم او د حاجيانو پر تګ راتګ هم مستقیم اغېز کولی شي.
