د اروپايي ټولنې د بهرنیو چارو وزیرانو د غزې د وضعیت په اړه انلاین غونډه روانه ده.
د الجزیرې د راپور له مخې، د اسرائیلو د غزې د بشپړ نیولو د پلان د مخنیوي لپاره فشارونه زیات شوي او د فلسطینیانو سره د هوکړې او سیاسي حل لپاره ډيپلوماتیک فعالیتونه چټک شوي دي.
خو د اروپايي ټولنې په دننه کې د اجماع پر بنسټ د پرېکړې کولو بهیر د جرمني او ایټالیا په ګډون د ځینو هېوادونو د نرم دریځ له امله له اختلافونو سره مخ دی، چې دا به د اتحادیې ګډ غبرګون لا پېچلی کړي.
