د امریکا ولسمشر ډونالډ ټرمپ وایي، د روسیې له خوا پر اوکرایني ښارونو وروستي بریدونو هغه ډېر حیران کړی دی.
ټرمپ په سپینه ماڼۍ کې ویلي، داسې صحنې یې ولیدې چې ډېرې حیرانوونکې وې.
هغه زیاته کړې، چې په داسې وخت کې پر کییف بریدونه وشول، چې د سولې خبرو جریان درلود.
هغه زیاته کړې چې د مې له ۲۴مې تر ۲۶مې، روسیې پر ښارونو سخت بریدونه وکړل، چې پکې سلګونه ډرونونه او توغندي وکارول شول.
ټرمپ دا بریدونه د اندېښنې وړ بللي او ویلي چې دا ډول ناڅاپي پېښې سوله له ګواښ سره مخ کوي.
