رویټرز ویلي، چې د ډونالډ ټرمپ له لوري د سعودي عربستان په سفر کې پر سوریه د لګېدلو بندیزونو ناڅاپي لغوه کېدو د سیمې تر څنګ د امریکا دننه لوړپوړي چارواکي هم حیران کړي دي.
د رویټرز د راپور له مخې، د امریکا د بهرنیو چارو او خزانې وزارتونو چارواکي له مخکې خبر نه وو، او له اعلان وروسته یې سمدستي هڅې پیل کړې څو د اوږدمهاله بندیزونو د لغوه کولو څرنګوالی وڅېړي.
امریکایي چارواکو ویلي، سپینې ماڼۍ نه کوم رسمي سند ورکړی و، نه کوم خبرداری.
کارپوهان وایي، دا ډول بندیزونه یوازې په شفاهي اعلان نه لرې کېږي، بلکې قانوني او اداري مراحلو ته اړتیا لري.
