وروسته له هغه چې د امریکا ولسمشر ډونالډ ټرمپ له اوکراین وغوښتل چې د روسیې د ولسمشر د خبرو وړاندیز ومني، د اوکراین ولسمشر ولودیمیر زلنسکي ویلي چې دی چمتو دی له ولادیمیر پوتین سره د پنجشنبې په ورځ په ترکیه کې وګوري.
زلنسکي هیله څرګنده کړې چې روسیه به دا ځل د خبرو د مخنیوي لپاره پلمې و نه لټوي.
لا تر اوسه څرګنده نه ده چې پوتین به شخصاً دې لیدنې ته حاضریږي که نه.
د یادونې ده چې زلنسکي او پوتین وروستی ځل په ۲۰۱۹ کال کې سره لیدلي وو.
