د جمو او کشمیر اعلی وزیر عمر عبدالله د پیسو نړیوال صندوق (IMF) له لوري پاکستان ته د ورکړل شويو پورونو په اړه سختې نیوکې کړي دي.
نوموړي پر خپله ایکس پاڼه لیکلي، چې دا مالي مرستې د اقتصادي پرمختګ پر ځای، د هند پر ضد د اقداماتو لپاره کارول شوې دي.
عمر عبدالله ویلي، پاکستان له IMF څخه ترلاسه شوې پیسې د وسلو په اخیستو لګولي، چې هدف یې د هند ثبات له منځه وړل او تاوتریخوالی زیاتول دي.
هغه دا هم ویلي چې نړیوال مالي بنسټونه باید د پورونو د ورکړې پر مهال د استفادې څرنګوالی په دقیقه توګه وڅاري.
