د امریکا د بهرنیو چارو وزیر مارکو روبیو ویلي، چې حکومت د هغو کسانو د ویزو وضعیت څېړي چې د کولمبیا پوهنتون کتابتون ته ناقانونه ننوتي او تاوان یې ورته اړولی دی.
هغه زیاته کړې، چې د حماس پلوي نور زموږ په هېواد کې ځای نه لري.
دا څرګندونې وروسته له هغې شوې چې د نیویارک پولیسو لسګونه هغه محصلین ونیول، چې د پوهنتون د کتابتون یوه برخه نیولې وه، طبلونه یې وهل او د فلسطین په ملاتړ شعارونه یې ورکول.
پولیسو ویلي، لږ تر لږه ۴۰ څخه تر ۵۰ محصلین یې له کتابتونه اېستلي دي.
