د ایران او امریکا ترمنځ د غیرمستقیمو خبرو څلورم پړاو وځنډېد.
د عمان د بهرنیو چارو وزیر بدر بن حمد البوسعیدي ویلي، چې د لوژستیکي دلایلو له امله، موږ د امریکا او ایران ترمنځ هغه ناسته بیا تنظیموو، چې ټاکل شوې وه د مې په درېیمه، د شنبې په ورځ په روم کې ترسره شي.
نوموړي زیاته کړې، چې نوی تاریخ به د دواړو لورو تر توافق وروسته اعلان شي.
د یادونې ده چې د تهران او واشنګټن ترمنځ څلورم پړاو خبرې راتلونکې شنبې ورځ پلان شوې وې.
