د طالبانو حکومت د کډوالو او بیرته راستنېدونکو چارو وزیر مولوي عبدالکبیر ویلي، چې د کډوالو پر وړاندې تشدد د ولسونو ترمنځ د کرکې سبب کېږي.
هغه ویلي، له افغان کډوالو سره د پاکستان دا ډول چلند د زغم وړ نه دی.
نوموړي یوناما سره په یوه ګډه تخنیکي غونډه کې د کډوالو او بېځای شویو لپاره د نړۍوالې همکارۍ غوښتنه وکړه.
په دې لیدنه کې د یوناما مرستیال ندریکا راټواټه، ویلي له افغان کډوالو سره به د ملګرو ملتونو مرستې دوام ولري.
