د جمهوري حکومت د چارو ادارې لوی رییس فضل محمود فضلي وايي، افغان ټولنه به د نجونو پر زدهکړو د بندیز دوام ونه مني.
د هغه په خبره، دا پرېکړه ولسي رېښه نه لري او افغاني ټولنې ته د منلو نه ده.
نوموړی زیاتوي، افغانانو هغه روایتونه منلي، چې له خپلې ټولنې یې راوتلي او هر وارد شوی فکر، چې ولسي بنسټ نه لري ماتېدونکی وي.
فضلي وايي، که ولس په ملي پروسو او تصمیم نیولو کې خپل رول ونه ویني؛ نو دغسې پروسې د ځان نه؛ بلکې پردۍ ګڼي، چې بیا یې د منلو پر ځای ردوي.
