د زیاتو غبرګونونو له کبله د کارنګي مؤسسې له لوري د اټومي سیاست په نړیوال کنفرانس کې د ایران د بهرنیو چارو د وزیر وینا لغوه شوې.
په ملګرو ملتونو کې د ایران استازولي د دغې وینا د لغوه کېدو خبر ورکړی.
بل لورته یادې مؤسسې ویلي چې د دوی اجنډا پر خپل ځای ده.
تر دې وړاندې د “ایران اټومي پروګرام پر وړاندې د یووالي سازمان” مدیر عراقچي ته د وینا وخت ورکول شرموونکي بللي وو.
هغه ویلي وو چې عباس عراقچي د یو تروریستي سازمان غړی دی.
