د اوکراین ولسمشر ولادمیر زیلنسکي وايي، پر روسیې باور نشي کېدلای او دوی څو ځله د اوربند طرحه رد کړې ده.
هغه دا خبرې وروسته تر هغې کوي، چې ولادمیر پوتین د عیسویانو د اختر له کبله اوکراین کې دېرش ساته اوربند اعلان کړ.
پوتین هیله څرکنده کړې، چې اوکرایني ځواکونه به هم دغه لنډ مهالي اوربند ته ژمن پاتې شي؛ خو په ورته مهال یې بیا خپلو سرتېرو ته امر کړی، چې احتمالي برید ته چمتو وي.
دا اوربند تېر ماښام پیل او د نن ورځې تر پایه به دوام وکړي.
