د پښتون ژغورنې غورځنګ مشر منظور پښتین وایي، د ظلم خلاف د دوی د ملي دریځ قوت ځکه ډېر بریالی نه دی، چې خلک ملي احساس په سیمهییز احساس بدلوي.
نوموړی وایي، که یوه سیمه کې ریاست ظلم وکړي؛ نو یوازې د همغې سیمې خلک غږ پورته کوي او د یو څو ورځو له تېرېدو وروسته هر څه بېرته ساړه شي.
د منظور په خبره، پاکستانی ریاست پښتنو ته هیڅ وخت حق نه ورکوي، له دوی سره به هیڅکله انصاف ورنکړي.
نوموړي له پښتنو غوښتي چې یو موټی شي او په هر وګړي او سیمې شوی ظلم پر خپل ورو او خپل کور شوی ظلم وګڼي.
