د ایران ولسمشر مسعود پزشکیان وايي، حکومت د ځانګړو شرایطو د مدیریت لپاره خپل نوی جوړښت او تګلاره غوره کړې او هڅه کوي د هېواد د حیاتي برخو د پرې کېدو له لارې د فشارونو مخه ونیسي.
پزشکیان په یوه پیغام کې ویلي، دښمن په تېرو میاشتو کې هڅه کړې د ایران حیاتي لارې او سرچینې پرې کړي، څو پر خلکو اقتصادي فشار زیات کړي.
هغه مني چې اقتصادي فشارونه زیات شوي، خو وايي د خلکو په همکارۍ او د حکومت د تدابیرو له لارې یې اجازه نه ده ورکړې چې د دښمن موخې په هغه څه کې چې نوموړي یې «اقتصادي جګړه» بولي، عملي شي.
