د افغانستان پریمیر لیګ یا APL رسمي پاڼو خبر ورکړی چې د دغه لیګ را روان دویم پړاو سیالیو لپاره د زرو لوبغاړو له منځه څه باندې ۵۰۰ بهرنیو لوبغاړو هم نوملیکنه کړې ده.
ویل کیږي د ای پي اېل را روان فصل د ډرافټ لپاره د سریلانکا، بنګله دېش، وېسټ انډیز، نیوزیلنډ او انګلېنډ په ګډون د بهرنیو هېوادونو کرکټ لوبغاړو نوملیکنه کړې.
تر دې دمه د ډرافټ لپاره د وېسټ انډیزي ګوداکېش موتي، سریلانکایي دونیت ولالیګي او بنګالي تسکین احمد نومونه رسماً په ډاګه شوي دي.
