افغان بایسکلچلوونکې فریبا هاشمي د جاپان په آیچي–ناګویا اسیایي لوبو کې د سړک بایسکلځغلونې په برخه کې د دویم مقام په خپلولو سره د سپینو زرو مډال ترلاسه کړ.
هاشمي د ښځو د سړک سیالۍ کې د اسیا له پیاوړو بایسکلچلوونکو سره سیالي وکړه او د مډال پړاو ته په رسېدو سره یې دا مهمه لاسته راوړنه ثبت کړه.
د سیالۍ د پای مراسمو کې هاشمي د سپینو زرو مډال ترلاسه کړ، او د سرو زرو مډال د چین لوبغاړې وګاټه.
فریبا هاشمي تر دې مخکې هم په نړیوالو سیالیو کې د افغانستان استازیتوب کړی دی. نوموړې د خپلې خور یلدوز هاشمي ترڅنګ د پاریس ۲۰۲۴ المپیک کې هم د افغانستان په استازیتوب د بایسکلځغلونې سیالیو کې ګډون کړی و.
د اغلې هاشمي دا بریا په داسې حال کې ده چې نوموړې د خپل ورزشي سفر پر مهال له ګڼو ستونزو سره مخ شوې وه او اوس په ایټالیا کې ژوند کوي.
هغې ویلي وو غواړي د خپل بریالیتوب له لارې افغانو نجونو ته الهام ورکړي.
