د افغانستان لپاره د روسیې ځانګړي استازي ضمیر کابلوف ویلي، مسکو چمتو دی چې د کابل د رسمي غوښتنې په صورت کې افغانستان ته بشري مرستې برابرې کړي.
هغه ویلي، که څه هم د افغانستان د کورنیو حاصلاتو راټولېدل به د خوړو اوسنی بحران تر یوه بریده کم کړي؛ خو امکان شته چې هېواد بیا هم د خوراکي توکو له کمښت سره مخ شي.
کابلوف ټینګار کړی چې افغانستان لا هم بشري مرستو او نړیوالې همکارۍ ته اړتیا لري، څو اقتصادي او بشري ستونزې راکمې شي.
