د افغانستان د پخواني حکومت د ملي دفاع وزارت مرستیال شاهمحمود میاخیل د طالبانو د مخالفو ځینو ډلو پر دریځونو نیوکه کړې ده.
میاخیل ویلي، ځینې کسان د شخصي ګټو او واک ترلاسه کولو لپاره له بېلابېلو هېوادونو سره معاملې کوي او د پاکستان د وروستیو هوايي بریدونو په اړه یې د ځینو مخالفو څېرو دریځونه ننګولي دي.
نوموړي د طالبانو پر اوسنیو سیاستونو هم ګوته پورته کړې او د افغانستان د راتلونکي نظام د ټاکلو لپاره یې د لویې جرګې د جوړېدو غوښتنه کړې ده.
