د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنټ، ویلي، د ښځو او ماشومانو د حقوقي څېړنو بنسټ (WCLRF) د شپږو کارکوونکو له نیول کېدو ۲۱ ورځې تېرې شوي، خو تر اوسه د محکمې له لارې پرې هېڅ رسمي تور نه دی لګول شوی.
بېنټ په خپله اېکسپاڼه لیکلي چې د هغوی د برخلیک په اړه جدي اندېښنه لري او د زر تر زره خوشې کېدو غوښتنه یې کړې ده.
د راپورونو له مخې، د طالبانو ځواکونو د جولای په ۱۸مه په کابل کې د ښځو او ماشومانو د حقوقي څېړنو بنسټ پر دفتر چاپه وهلې، شپږ ښځینه کارکوونکي یې نیولي او د بنسټ اسناد، کمپیوټرونه او نور کاري وسایل یې هم له ځان سره وړي دي.
تر اوسه د نیول شویو ښځو د ساتنې ځای او د نیولو لامل نه دی په ډاګه شوی.
د ښځو او ماشومانو د حقوقي څېړنو بنسټ د ښځو او ماشومانو د حقونو، قانوني څېړنو او عامه پوهاوي په برخه کې فعالیت کوي.
