د طالبانو حکومت دفاع وزارت ویلي، پرون د نورستان ولایت په کامدېش ولسوالۍ کې د داعش او نورو مخالفو وسلهوالو پر ضد د دوی عملیات پای ته ورسېدل.
د دفاع وزارت په خبرپاڼه کې ادعا شوې چې دغه وسلهوال د پاکستاني پوځي نظام په ملاتړ د ډیورنډ کرښې له لارې د افغانستان خاورې ته داخل شوي وو.
د خبرپاڼې له مخې، په عملیاتو کې ۴۱ تنه وژل شوي او ۶۲ نور ژوندي نیول شوي دي.
تر اوسه د دې ادعاوو په اړه مخالفو لورو څه نه دي ویلي.
