د طالبانو حکومت د ویاند مرستیال حمدالله فطرت نن د اکټوبر اوومه چې پر افغانستان د امریکا د برید او د دغه هېواد د پوځي ماموریت له پیل سره برابره ده، یوه توره ورځ بللې او په وینا یې، د دغې ورځې په پایله کې لسګونه افغانان ووژل شول، ټپیان، زندانیان او کډوال شول.
نوموړي د طالبانو د حکومت بیا راتګ بریا او لویه لاسته راوړنه بللې او زیاته کړې یې ده چې هېڅ ډول اشغال ته به بیا اجازه ورنه کړي او هر ډول هڅه به د دوی پر وړاندې ماتې وخوري.
