د طالبانو حکومت د مشر شیخ هبتالله اخوندزاده د حکم پر اساس په مهمو امنیتي او اداري بستونو کې تازه بدلونونه راوستل شوي دي.
د طالبانو حکومت ویاند ذبیحالله مجاهد له لوري په خپره شوې خبرپاڼه کې ویل شوي، چې د کابل پخوانی امنیه قومندان ملا ولي جان حمزه د غزني ولایت د نوي والي په توګه ټاکل شوی، او د غزني پخوانی والي مولوي عبدالصمد جاوید د کابل د امنیه قومندان دنده ترلاسه کړې ده.
په همدې لړ کې، د ۲۰۵ البدر قول اردو پخوانی رئیس ارکان شیخ نقیب الله د هرات د امنیه قومندان په توګه ټاکل شوی او د هرات پخوانی امنیه قومندان حاجي صبرګل یاسر د ۲۰۵ البدر قول اردو د رئیس ارکان په توګه ګومارل شوی دی.
