د تېلو نړیوالو بازارونو کې وروسته له هغې د بیو د لوړېدو لړۍ پیل شوې چې د امریکا ولسمشر ډونالډ ټرمپ د ایران هغه وړاندیز رد کړ چې د جګړې د پای ته رسولو او د هرمز تنګي د بېرته پرانیستلو په اړه و.
د رویټرز د راپور له مخې، د برېنټ خامو تېلو بیه له یو سلنې زیاته لوړه شوې او هر بېرل یې ۱۰۵.۶۴ ډالرو ته رسېدلی او د امریکایي خامو تېلو بیه هم لوړه شوې او ۹۳.۱۱ ډالرو ته رسېدلې ده.
د بازارونو اندېښنه د هرمز تنګي د وضعیت له امله زیاته شوې، ځکه دغه تنګی د نړۍ د انرژۍ د لېږد یوه مهمه لار بلل کېږي.
