د ایران د تېلو پخواني وزیر محسن پاکنژاد د امریکا د ولسمشر ډونالډ ټرمپ هغه ادعا رد کړې چې ګواکې نوموړي د ایران د اقتصادي فشارونو او د جګړې له امله له خپلې دندې استعفا کړې ده.
پاکنژاد ویلي، استعفا یې د «شخصي دلایلو» له امله وه او د ټرمپ له وروستیو څرګندونو سره هېڅ تړاو نه لري. هغه د چهارشنبې په ورځ په یوه بیان کې وویل چې د ایران د تېلو تولید او صادرات، د امریکا د بندیزونو او فشارونو سربېره، دوام لري.
ټرمپ د سېشنبې په ورځ ادعا کړې وه چې د پاکنژاد استعفا او د ایران لوړ انفلاسیون د دغه هېواد د اقتصاد د سخت فشار نښې دي او ویلي یې وو چې ایران «نه اقتصاد لري او نه تېل.»
پاکنژاد د یکشنبې په ورځ استعفا ورکړه او د ایران ولسمشر مسعود پزشکیان ومنله. له هغه وروسته د ایران د ملي تېلو شرکت اجرائیوي مشر حمید بورد د تېلو وزارت سرپرست وټاکل شو.
