د افغانستان بانک اعلان کړی چې د پروژو او قراردادونو د تضمین لپاره په بانکونو کې اېښودل شویو ضمانتونو باندې لګول شوي محدودیتونه یې لرې کړي دي.
د یاد بانک په خبرپاڼه کې راغلي، هغه ضمانتونه چې د «اسلامي امارت» له بیا واکمنېدو وروسته پرې محدودیتونه لګول شوي وو، اوس بېرته ازاد شوي او سوداګر، شرکتونه او قراردادي بنسټونه کولای شي ترې په اسانه ګټه واخلي.
افغانستان بانک وایي، دغه پرېکړه یې د سوداګرۍ د اسانتیا، د خصوصي سکټور د ملاتړ، د پانګونې د جذب او د هېواد د اقتصادي فعالیتونو د پیاوړتیا په موخه کړې ده.
