د پاکستان پوځ ویلي، تېر کال یې د ۶۰ زره عملیاتو په ترڅ کې ۹۰۰ وسله وال وژلي دي.
یاد پوځ په یوه خپره کړې اعلامیه کې ویلي، چې په دغه عملیاتو کې د وسله والو له لوري د دوی ۷۰۰ سرتېري هم وژل شوي دي.
اعلامیه کې راغلي، تر ټولو زیات بریدونه په پښتونخوا او تر ټولو کم بیا په پنجاب کې شوي دي.
بل لورته په دغه کال کې د ۵۷۸ ملکي خلکو د وژلو راپورونه هم ورکړل شوي.
که د پاکستاني پوځ د عملیاتو شمېر کره وي؛ نو یاد پوځ هره ورځ د وسله والو پر وړاندې ۶۶ ځله عملیات کړي.
