د طالبانو حکومت د قطر سیاسي دفتر مرستیال محمد نعیم وردګ ویلي، پر اسرائیل د ایران بریدونه یو مشروع عمل وو.
هغه اسرائیل د فلسطین د بې ګناه ماشومانو او ښځو په وژلو سره جنایت کار بللي او زیاته کړې یې ده چې د لویدیځ بشپړ ملاتړ ورسره دی.
نعیم وردګ دغه راز ټینګار کړی چې د اسرائیل پر وړاندې باید د سیمې هېوادونه همغږي شي.
د یادونې ده چې وړمه ورځ طالبانو حکومت هم پر لبنان او فلسطین د اسرائیل بریدونه غندلي وو.
