د افغان کرکټ ملي لوبډلې په ملاتړ برېټانیا کې مېشتو افغانانو د دغه هېواد د پارلمان مخته لاریون پیل کړی دی.
دغه لاریون کوونکي په خپلو شعارونو کې وایي:«موږ د نجونو د تعلیم حق هم غواړو او کرکټ هم غواړو.»
دغې غونډه کې بهر مېشتو افغانو مېرمنو هم ګډون کړی او له افغان کرکټ ملي لوبډلې څخه یې خپل ملاتړ څرکند کړی.
دا په داسې حال کې ده چې په دې وروستیو کې فوزیه کوفي او یو شمېر نورو سیاستوالو د بریتانیې له کرکټ بورډ غوښتي وو چې افغان کرکټ لوبډلې سره لوبې لغوه کړي.
