د ایران د بهرنیو چارو وزارت ویاند اسماعیل بقایي وايي، دغه هېواد هڅه کوي چې د طالبانو په واکمنۍ کې له افغانستانه د ایران د اوبو حق واخلي.
اسماعیل بقایي په یوه خبري کنفرانس کې ویلي، چې د افغانستان په چارو کې د ایران ځانګړی استازی حسن کاظمي قُمي دغه موضوع تعقیبوي.
د طالبانو حکومت هر کله ویلي چې د ۱۳۵۱ کال د تړون له مخې یې ایران ته خپله حقابه ورکړې ده.
بل لورته د ایران د پارلمان د ملي امنیت او بهرنۍ پالیسۍ د کمیسیون غړي فدا حسین مالکي ویلي وو چې دغه هیواد ته د هیرمند د اوبو د حقونو د ورکولو په اړه د طالبانو ادعاوې حقیقت نه لري او طالبان د سېلاب اوبه د حق ورکولو په معنا ګڼي.
