د افغانستان لپاره د ملګرو ملتونو ځانګړی راپور ورکونکی ریچارډ بینیټ وایي، افغان ښځینه لوبغاړې په کور دننه او ټوله نړۍ کې په سپورټ پورې تړلې دي.
ښاغلي بینیټ پر خپله ایکسپاڼه لیکلي، چې افغان کرکټ ښځینه لوبډلې په میلبورن کې په هرې منډې سره ښکاره پیغام ورکړ چې دوی به غلې نشي.
نوموړي زیاته کړې، په داسې حال چې افغان ښځې په جلاوطنۍ کې لوبې کوي، په افغانستان کې ښځې په بشپړدول له سپورټ څخه منع دي.
د یادونې ده چې افغان ښځینه لوبډلې پرون په میلبورن کې د اسټرالیا د بې پولې ښځینه کرکټ لوبډلې په وړاندې د دوو منډو په توپیر لوبه وبایلله.
