د طالبانو حکومت ویاند ذبیح الله مجاهد هغه راپورونه رد کړل چې ګنې مالیې وزارت د حکومتي کارکوونکو دریو میاشتو معاش ځنډولی او نشي اجرا کولای.
ذبیح الله مجاهد پر خپله ایکسپاڼه لیکلي:« د مالي وزارت محترم مقام ډاډ ورکوي چې د روانې دلوې میاشتې په جریان کې به د ټولو یو میلیون او څلويښت زره امارتي کارمندانو معاشات ورکړل شي.»
هغه ویلي، چې هيڅوک دې په دې اړه تشویش نه کوي.
نوموړي زیاته کړې، چې د هېواد بودیجه داخلي بنسټ لري او د بهرنیو مرستو د کولو یا نه کولو پورې اړه نه لري.
