د طالبانو حکومت د بهرنیو چارو وزیر امیرخان متقي د ترکیې له سفیر جنګ اونال سره د ډیپلوماتیکو اړیکو پر پیاوړتیا غږېدلی.
د طالبانو حکومت د بهرنیو چارو وزارت ویاند وايي، امیرخان متقي په دې لیدنه کې له جنګ اونال غوښتي چې د کابل او انقرې ترمنځ اړیکې باید پیاوړې شي.
بل لورته د ترکیې سفیر ژمنه کړې چې هېواد یې هڅه کوي څو له طالبانو سره په سیاسي، اقتصادي او نورو برخو کې خپلې اړیکې پراخې کړي.
