د احمد مسعود په مشرۍ د ملي مقاومت په نوم جبهې اعلان کړی چې یوازې تیره میاشت په ۲۲ هدفي عملیاتو کې ۳۵ طالب جنګیالي وژلي او ۳۵ تنه نور یې ټپیان کړي دي.
دملي مقاومت له جبهې څخه خپره شوې خبرپاڼه وایي، پدې عملیاتو کې د طالبانو پنځه پوځي وسايط هم لمنځه تللي دي.
اعلامیه کې ویل شوي چې، دغه بریدونه په کابل، تخار، کاپیسا، بدخشان، کندز، بادغیس، فراه او هرات ولایتونو کې په طالبانو ترسره شوي دي.
د مقاومت جبهې ادعا کړې چې پدې بریدونو کې لسګونه میله وسلې هم د دوی ځواکونو لاس ته ورغلي دي.
اعلامیه کې ادعا شوې چې ډیری بریدونه دشپې په اوږدو د ملکي تلفاتو د مخنیوي په موخه په طالبانو ترسره شوي دي.
په افغانستان کې د طالبانو حکومت تردې مهاله پدې اړه څه نه دي ویلي.
