ایران وايي، د حقابې په تړاو د طالبانو له حکومت سره هوکړې ته رسېدل ناشوني نه دي.
د یاد هېواد د بهرنیو چارو وزارت ویاند اسماعیل بقایي ویلي، چې په دې برخه کې همکاري د تهران او کابل اړیکې لاپیاوړې کولای شي.
تر دې وړاندې بیا ایراني چارواکو ویلي وو، چې که طالبان په رضا اوبه ورنه کړي؛ نو خپله حقابه به په زوره واخلي.
بل لورته د طالبانو حکومت وايي، د ایران له حقابې منکر نه دي؛ خو له اوبییز کال پرته د دوی حقابه نه شي ورکولای.
