د امریکا په لاس انجلس کې د اور لګېدنې له امله د وژل شویو کسانو شمېر ۲۴ تنو ته ورسېد.
امریکایي چارواکو ویلي چې ممکن د وژل شویو کسانو شمیر نور هم لوړ شي.
امریکایي چارواکو زیاته کړې، چې دې اورلګېدنې زرګونه کورونه سوځولي او له ۱۰۰ زرو زیات خلک یې له خپلو سیمو او کورونو پرېښودو ته اړ کړي دي.
امریکایي رسنۍ وایي، چې دغه اور تر اوسه ۳۰ سلنه مهار شوی او د پاتې اور د مهارولو هڅې روانې دي.
د دغه اور له کبله د اوښتو زیانونو د کره شمېر په اړه تر اوسه څه نه دي ویل شوي.
