پاکستان کې د اسلامي همکاریو سازمان ناستې په څنډه کې د افغانستان لپاره د پاکستان ځانګړي استازي صادق خان د افغانستان لپاره د یوناما له مشرې روزا اتونبایووا سره کتلي دي.
صادق خان په دغه ناسته کې ویلي، چې پاکستان کې دا ناسته د نړیوالو لپاره ښه فرصت دی چې په افغانستان کې د بشري بحران په اړه خبرې اترې وکړي.
هغه ویلي، نړیوال باید له افغانستان سره خپلو مرستو او ملاتړ ته دوام ورکړي.
د یادونې ده، چې یادې ناستې ته د طالبانو حکومت هم وربلل شوی وو؛ خو برخه یې په کې وانخیسته.
