د طالبانو حکومت د ټرمپ هغه ادعا رد کړه، چې ګواکې امریکا ورسره میلیاردونه ډالره مرسته کوي.
د طالبانو حکومت مرستیال ویاند حمدالله فطرت ویلي، امریکا نه یوازې دا، چې دوی سره مرستې نه دي کړي؛ بلکې له دوی یې هم میلیاردونه ډالر غصب کړي.
د نوموړي په خبره، افغانستان ته د امریکا رالېږل شوې پیسې بېرته د دوی د ځواکونو پر تېښته مصرف شوې دي.
تر دې وړاندې ډونالډ ټرمپ ویلي، چې دوی افغانستان ته میلیاردونه ډالره ورکوي چې دا ورته د زغملو نه ده.
