کاناډا له خپلو وګړو غوښتي چې افغانستان ته له سفر ډډه وکړي.
د یاد هېواد حکومت ویلي، خراب امنیتي وضعیت، وسله والې جګړې او د برمته کېدو احتمال هغه ګواښونه دي چې له کبله یې باید کاناډایي وګړي دغه هېواد ته لاړ نه شي.
د طالبانو حکومت تر اوسه د کاناډا د دغې پرېکړې په اړه څه نه دي ویلي.
دا په داسې حال کې ده چې تر دې وړاندې امریکا، برېټانیا، جرمني او نورو هېوادونو هم له خپلو وګړو غوښتي وو چې افغانستان ته له سفر ډډه وکړي.
