روسیې او اوکراین د جګړې سلګونه بندیان یو بل سره تبادله کړل.
دغه هېوادونو د متحده عربي اماراتو په منځګړیتوب یو وار بیا جنګي اسیران تبادله کړل.
د اوکراین ولسمشر، ولودیمیر زیلینسکي ویلي چې د دې اقدام په نتیجه کې ۱۸۹ اوکرایني بندیان بېرته خپل هېواد ته ستانه شول.
بل لوررته د روسیې دفاع وزارت ویلي چې د دواړو لورو ۱۵۰ بندیان خوشي شوي دي.
دوی په دې اړه یې وضاحت نه دی ورکړی چې ولې د دواړو خواوو له لوري د خوشي شویو بندیانو په شمېر کې توپیر شته.
