د سوریې د اطلاعاتي سازمان نوي رییس ویلي، چې د بشارالاسد د واکمنۍ ګڼې ادارې له منځه وړل شوي دي.
انس خطاب ویلي، دا ادارې به بېرته له سره جوړې او د خلکو لپاره به د اسانتیاوو د برابرولو مرکزونه وګرځي.
هغه د اسد په واکمنۍ کې دا ادارې له فساد ډکې بللې دي.
نوموړي د سوریې پخواني حکومت کې د خلکو پر وړاندې ظلم او د هغوی ځورولو ته په اشارې ویلي، چې دوی هڅه کوي د سوریې خلک له هر ډول اسانتیاوو برخمن کړي.
